Neırohırýgııalyq robot mıǵa operatsııa jasady
QARAǴANDY. KAZINFORM — Qaraǵandy aýrýhanasynda qoldanylǵan «Remebot RM-200» qurylǵysy jasandy ıntellektimen jumys isteıdi. Bul týraly Jibek joly telearnasynyń jańalyqtar qyzmetinde aıtty.
Onyń tilin meńgerý úshin dárigerler Qytaıǵa arnaıy baryp oqyp keldi. Robottyń ereksheligi ol naýqastyń medıtsınalyq derekterin tereń taldap, mıǵa mıllımetrlik dáldikpen operatsııa jasaı alady. Zamanaýı apparat jergilikti bıýdjet qarajatyna satyp alynǵan. Jaqynda ol bıopsııa jasaý, mı isigin sylyp alyp tastaý sekildi operatsııalarǵa qatysady.
Aıta ketelik elde alǵash ret balalardy lazerlik lıtotrıpsııa ádisimen emdeý júrgizilgen edi.
Búgin Pedıatrııa jáne balalar hırýrgııasy ǵylymı ortalyǵynda elde saraptamalyq klastyń eń jańa jabdyǵy — Calculase III lazerlik júıesimen jaraqtandyrylǵan alǵashqy operatsııalyq bólmeniń saltanatty ashylýy ótti.
