Neımarǵa alaıaqtyq jasady degen aıyp taǵyldy
ASTANA. QazAqparat - Brazılııalyq sot osy eldiń tanymal fýtbolshysy Neımardyń 48 mln. dollar aktıvin buǵattap tastady. Oǵan $16 mln. salyqtan jaltardy degen aıyp taǵyldy, dep jazady Bı-bı-sı.
Sýdıanyń aıtýynsha Neımar 2013 jyly óziniń jarnamalyq kelisimder men Barselona fýtbol klýbynan túsirgen paıdasynyń tek 8 paıyzyn jarııalaǵan.
Fýtbolshynyń qorǵaýshylary ázirshe buǵan qarsy pikir aıtýdan bas tartyp otyr.
Buǵan qosa fýtbolshyǵa alaıaqtyq jasady degen aıyp taǵylyp otyr. Jazda Ispanııa soty oǵan qarsy shaǵymdy qabyldaǵan bolatyn.
Neımardy alý úshin Barselona 2013 jyly 57 mln eýro tólegen edi. Alaıda, sottyń paıymynsha, oıynshy úshin tólengen soma budan áldeqaıda kóp bolǵan.
Neımardy basqa komandaǵa aýystyrǵanda túsetin paıdanyń (transferlik qun) 40 paıyzyn alýǵa quqyǵy bar brazılııalyq kompanııa da olardy kem degende 1 mln eýroǵa aldap ketkenin aıtqan.
Tergeýshiler bolsa Neımar úshin sol joly 57 mln emes, 83,3 mln eýro tólengen dep sanaıdy.
