Neımar «PSJ» fýtbolshylarynan keshirim surady
ASTANA. QazAqparat - «PSJ» shabýylshysy Neımar komanda oıynshylarynan keshirim surady. Parıjdik klýbtyń brazılııalyq oıynshysy Edınson Kavanımen bolǵan urys-keris úshin keshirim suraǵan.
Sportshy ázirge frantsýzsha bilmeıdi, onyń sózderin parıjdikterdiń ekinshi bir brazılııalyq fýtbolshysy Tıago Sılva aýdaryp bergen.
Buryn habarlanǵanyndaı, Frantsııa chempıonatynyń 6-týryndaǵy «Lıonǵa» qarsy matchtan keıin Kavanı men Neımar kıim aýystyratyn bólmede tóbelesip qala jazdaǵan. Frantsýz BAQ-ynyń aıtýynsha, bul oqıǵanyń túp-tórkini qarjy máselesine baryp tirelýi múmkin.
