Neımar Brazılııa salyqshylaryna 2,5 mln dollar aıyppul tóleýge kelisti
Bul jaıly sportshynyń qorǵaýshysyna silteme jasaǵan France-Presse agenttigi habarlaıdy.
«Bul is úsh jyldan uzaq ýaqytqa sozylyp ketti, al biz bar bolǵany alǵa qaraı jyljyǵymyz keledi, - dedi qorǵaýshy Markos Neder.
2015 jyldyń qyrkúıek aıynda Brazılııanyń salyq organdary Neımardyń 55,7 mıllıon dollarǵa baǵalanǵan múlkin tárkilegen bolatyn. Olardyń aıtýynsha, bul 2011-2013 jyldary sportshy tarapynan tólenbegen salyq jáne jınalyp qalǵan paıyzdyq ústemeler men aıyppuldardy óteýge tıis bolǵan. Kóptegen sot otyrystary barysynda Neımar mindetti tólemder kólemin birshama azaıtty. Endigi ýaqytta salyqshylardy fýtbolshy jáne onyń ókilderi usynyp otyrǵan soma qaryz kólemin óteýge jete me, sony sheshý máselesi kútip tur.
Aıta keteıik, bıylǵy jyldyń jazynda Neımar ıspandyq «Barselonadan» álemdik fýtbol úshin eń joǵary rekordtyq soma - 222 mıllıon dollar usynǵan frantsýzdyq «Parı Sen-Jermen» klýbyna ótken bolatyn.