Neımar «Barselonadan» ketetin boldy
ASTANA. QazAqparat - 25 jastaǵy brazılııalyq fýtbolshy Neımar «Barselona» komandasymen qosh aıtysyp, «PSJ» sapyna ótpek. Katalondyqtardyń quramyndaǵy sońǵy matchyn fýtbolshy 6 tamyz kúni «Shapekoense» komandasyna qarsy ótkizedi, dep habarlaıdy «QazAqparat» HAA tilshisi sheteldik BAQ-qa silteme jasap.
Neımardyń ketetini týraly «Barselona» búgin resmı aqparat taratqan.
«Tańǵy jattyǵý barysynda Neımar klýbtan ketkisi keletini jáne keleshegine qatysty suraqtarǵa baılanysty jattyǵýǵa kelmeıtini týrasynda tilek bildirdi», - dep habarlaıdy aqparat kózi.
Málimet kóziniń habarlaýynsha, klýb Neımardyń shynynda da ketetinin rastaǵan. Fýtbolshy 6 tamyz kúni katalondyqtardyń sapynda sońǵy matchyn ótkizedi.
BAQ-tyń habarlaýynsha, «Parı Sen-Jermen» Neımardyń kelisimshartyn satyp alý úshin rekordtyq 222 mln eýro jumsaıdy.
Aıta keterligi, Neımar "Barselona" sapyna 2013 jyldyń mamyr aıynda kelip, shildeniń 30 juldyzynda komanda sapynda tuńǵysh oıynyn ótkizgen bolatyn.
