New York Times saýalnamasynyń nátıjesi boıynsha B.Obamanyń AQSh halqy aldyndaǵy bedeli túsip qalǵan
ASTANA. 27 qyrkúıek. Qazaqparat - AQSh prezıdenti Barak Obamanyń halyq arasyndaǵy reıtıngisi túsip qalǵan. Bul týraly New York Times ben CBS News birlesip júrgizgen saýalnama barysynda anyqtaldy.
Prezıdent áreketterin eldiń 49 paıyzy qoldamaıdy, saýalnamaǵa qatysqandardyń 43 paıyzy Aq úı basshysy eldi basqaryp kele jatqaly bıylǵydaı nashar sharalar qoldanbaǵan dep esepteıdi.
Amerıkandyqtardyń 30 paıyzy ǵana B.Obama otandastarynyń bar jaǵdaıyn jasap, olarǵa qamqorlyq kórsetýde degen pikirde. Alaıda bul kórsetkish amerıkandyq kóshbasshynyń birinshi kezeńindegideı emes, odan áldeqaıda tómen. Bul týraly RBK habarlady.
Azamattardyń kóbisi AQSh-tyń syrtqy saıasatyn qoldamaıdy. Sonyń ishinde Sırııa men Iranǵa qatysty reformasyn, sonymen birge, B.Obamanyń densaýlyq saqtaý salasynda qabyldaǵan sharalaryn qup kórmeıdi.
Amerıkandyqtardyń úshten eki bóligi el daǵdarystan shyǵýdyń jalǵan jolynda dep sanaıdy. Bul - 2012 jyldyń basynan beri eń joǵarǵy kórsetkish. Sonymen qatar, AQSh turǵyndary memleket shyǵyndaryna qatysty kóńilderi tolmaıdy, on adamnyń toǵyzy federaldy úkimettiń jumysynan kóńilderi qalǵanyn málimdegen.
