New York Times Almatyny eń úzdik týrıstik baǵyttar tizimine engizdi

The New York Times bıyl, 2024 jylda kórýge bolatyn álemdegi 52 orynnyń dástúrli tizimin jarııalady, dep habarlaıdy Kazinform Týrızm jáne sport mınıstrligine silteme jasap. 

Tanymal basylymnyń nusqasy boıynsha Almaty tizimde 25-orynda tur.

«Almaty eki mıllıon halqy bar Qazaqstannyń eń iri qalasy bola tura, beıbit, biraq belsendi shahar áserin qaldyrady. Almatynyń mádenı ortalyq retindegi mártebesi onyń gastronomııalyq ómirinde aıqyn kórinedi. Un, sý jáne etke negizdelgen «neo-nomadtar» ashanasy gıper-zamanaýı stılde usynylǵan; ony AUYL nemese TÖR restorandarynda kóre alasyz. Lanzhou Noodle meıramhanasy qytaı taǵamdaryn, al Sensilyo Coffee nemese JumpinGoat kafeleri - keremet kofe usynady. Kók bazardaǵy jemister men jańǵaqtardy tamashalańyz, sodan keıin jaqynda keńestik dáýiri ǵımaratynda ashylǵan úlken azyq-túlik bazarynda PlatformA-ǵa baryńyz», - dep jazdy redaktsııa.

Maqala Áýlıe Voznesensk soborynyń fotosýretimen birge júredi. 

«Qazaqstan sońǵy jyldary álemdik BAQ reıtıngine jıi iligip keledi jáne New York Times tizimine ený týrısterdiń bizdiń elimizge degen qyzyǵýshylyǵynyń artyp kele jatqanyn anyq bildiredi», - QR Týrızm jáne sport vıtse-mınıstri Erjan Erkinbaev.

Almaty – bul reıtıngige engen aımaqtaǵy jalǵyz qala. Buǵan deıin 2017 jyly Qazaqstan EKSPO-2017 kórmesi qarsańynda osy tizimge engizilgen bolatyn.