«New Music Generation 2020» II halyqaralyq kompozıtorlar konkýrsy onlaın rejımde ótedi

QR Mádenıet jáne sport mınıstrligi men «Qazaq ulttyq óner ýnıversıtetiniń uıymdastyrýymen «New Music Generation 2020» II halyqaralyq kompozıtorlar konkýrsy 16-21 qarasha aralyǵynda Nur – Sultan qalasynda onlaın rejımde ótedi.

Sharanyń maqsaty - qazirgi zamanǵy akademııalyq mýzykany onyń barlyq alýan túrliligimen dáripteý; j as kompozıtorlardyń shyǵarmashylyǵyna qoldaý kórsetý jáne nasıhattaý; q abiletti jáne talantty mýzykanttardy anyqtaý jáne yntalandyrý, álemdik qoǵamdastyq júıesinde Qazaqstannyń mádenı ımıdjin odan ári nyǵaıtý; Qazaqstanda jáne álemde jalpy kompozıtorlyq deńgeıdi arttyrý; j as mýzykanttar men kompozıtorlardy jańa kompozıtorlyq tehnıkalardy oqyp úırenýge jáne barlyq jańa múmkindikter men mánerli quraldardy meńgerýge yntalandyrý; b arlyq mamandyqtaǵy jas kompozıtorlar men mýzykanttardyń oı-órisin jáne shyǵarmashylyq dúnıetanymyn keńeıtý.

Konkýrstyń ereksheligi - anonımdiligi (barlyq qatysýshylar óz partıtýralaryn famılııasymen emes, jeke uranymen-qupııa sózimen usynady), bul jumystardy qaraý kezinde ádildikti jáne obektıvtilikti qamtamasyz etedi. Qazylar alqasynyń daýys berý qorytyndysy shyǵarylǵannan keıin ǵana laýreattardyń jeke derekteri ashylady.

Konkýrs kelesi nomınatsııalarda ótkiziledi:

«Sımfonııalyq týyndy» (solıstpen nemese solıstermen, onyń ishinde vokalıstermen nemese vokalıstersiz)

«Kameralyq shyǵarma» (solo aspaptan bastap solısterdiń úlken ansambline deıin)

«Vokaldyq shyǵarma» (ánshilerdiń sany shektelmegen, aspaptyq súıemeldeýmen nemese súıemeldeýsiz).

Konkýrsqa úsh jas toby boıynsha kompozıtorlar qatysady:

Birinshi top-15 jasqa deıin;

Ekinshi top – 15 jastan 25 jasqa deıin;

Úshinshi top – 25 jastan 35 jasqa deıin.

Konkýrsqa álemniń 22 elinen (Frantsııa, Germanııa, Italııa, Ispanııa, Avstrııa, Belgııa, Chehııa, Qytaı, Argentına, Chılı, Fılıppın, Rýmynııa, Gretsııa, Serbııa, Jańa Zelandııa, Fınlıandııa, Qazaqstan, Reseı Federatsııasy, Ýkraına, Belarýs, Moldova, Lıtva), 160-tan astam partıtýra, 98 konkýrsant usynyldy.

Qazylar alqasy músheleriniń partıtýralardy qaraýy alǵash ret onlaın ótkiziledi.

Qazylar alqasynyń quramynda qazirgi zamannyń ozyq kompozıtorlary, jańa mýzyka men avangardty oılaýshylar men jasaýshylar, kórnekti óner qaıratkerleri bar.

Qazylar alqasynyń quramy:

Rahat-Bı Abdysaǵın – qazylar alqasynyń tóraǵasy jáne kórkemdik jetekshisi. Kompozıtor, pıanıst, 2 opera jáne 100-den astam klassıkalyq mýzyka týyndylarynyń avtory. «Daryn» memlekettik jastar syılyǵynyń laýreaty, TMD Parlamentaralyq Assambleıasynyń «Mádenıet pen ónerdi damytýǵa sińirgen eńbegi úshin» qurmet belgisiniń ıegeri, P.I. Chaıkovskıı atyndaǵy konkýrs juldyzdary qaýymdastyǵynyń múshesi. Qazaqstannyń «100 jańa esimi» ulttyq jobasynyń jeńimpazy.