«New Europe» basylymynda Nurlan Nyǵmatýlınniń maqalasy jarııalandy

«QR Parlamenti Májilisiniń tóraǵasy Nurlan Nyǵmatýlın Eýrazııa qurlyǵynda seriktestikti nyǵaıtýǵa baǵyttalǵan Qazaqstan Respýblıkasynyń Tuńǵysh Prezıdenti, Elbasy Nursultan Nazarbaevtyń strategııalyq bastamalaryn iske asyrý barlyq Eýropa jáne Azııa elderiniń turaqty bolashaǵyna yqpal etetinine senim bildirdi. Májilis Spıkeri bul týraly óz pikirin Eýropanyń «New Europe» gazetinde «Úlken Eýrazııa: ortaq bolashaq jolynda» maqalasynda aıtty»,-dep jazady baspasóz qyzmeti.

Maqala aǵymdaǵy jylǵy 23-24 qyrkúıekte Elordamyz Nur-Sultan qalasynda «Úlken Eýrazııa: Dıalog. Senim. Seriktestik» taqyrybynda ótetin Eýrazııa elderi parlamentteri tóraǵalarynyń IV Keńesin ótkizýge baılanysty jaryqqa shyqty.

Eń bastysy, maqalada Qazaqstan Eýrazııany memleketter arasynda týyndaıtyn qaıshylyqtardyń birlesken, ujymdyq sheshilýine, sondaı-aq ortaq qaterlerge qarsy turýǵa negizdelgen jańa seriktestik modelin túbegeıli synaý alańy retinde kórsetiledi.

Nurlan Nyǵmatýlın, bıylǵy jyly Qazaqstan Respýblıkasynyń Tuńǵysh Prezıdenti Nursultan Nazarbaevtyń «Eýrazııalyq ıntegratsııa» ıdeıasyna 25 jyl tolǵanyn, ol 1994 jyly jarııalanyp, birneshe damý satysynan ótip, búginde Eýrazııalyq ekonomıkalyq odaqta iske asyrylyp jatqanyn aıtqan.

Qazaqstannyń Tuńǵysh Prezıdentiniń Eýrazııa qurlyǵyndaǵy seriktestikti odan ári damytýdaǵy strategııalyq bastamasyn 2010 jyly EQYU Astana deklaratsııasy, sondaı-aq, 2015 jyly «Úlken Eýrazııany» qurý týraly BUU Bas Assambleıasynan usynǵan ıdeıa boldy. Bul oı Eýrazııalyq ekonomıkalyq odaqtyń, Jibek joly ekonomıkalyq beldeýiniń jáne Eýropalyq Odaqtyń biryńǵaı yntymaqtastyq jobasyna biriktirýdi bildiredi.

«Úlken Eýrazııanyń» teńdesi joq jobasy osy birlestikterdiń jumysyn úılestirýdi jáne olardyń qatysýshylary arasyndaǵy saýda qatynastaryn yryqtandyrýdy, kólik dálizderin birlesip damytýdy, energetıkalyq baǵyttardy ártaraptandyrýdy, ınvestıtsııalyq yntymaqtastyqty keńeıtýdi jáne ekonomıkalyq ózara is-qımyldyń basqa da máselelerin qarastyrady», - dedi Nurlan Nyǵmatýlın.

Májilis tóraǵasy ústimizdegi jyldyń sáýirinde aıtylǵan Qazaqstannyń Tuńǵysh Prezıdentiniń usynysyna asa nazar aýdardy. Beıjińdegi «Bir beldeý, bir jol» Halyqaralyq yntymaqtastyq forýmynyń ekinshi otyrysynda «Úsh dıalog» qurýdyń qajettiligi týraly Elbasynyń aıtqanyna toqtaldy.

«Sondyqtan Eýrazııalyq parlamentterdiń spıkerleri IV kezdesýiniń basty maqsaty - eýrazııalyq keńistiktegi ózara is-qımyl men yntymaqtastyqty odan ári tereńdetý jáne keńeıtý úshin Eýropa men Azııanyń zań shyǵarýshy organdary basshylarynyń, sondaı-aq halyqaralyq jáne parlamentaralyq uıymdar basshylarynyń tikeleı kópjaqty dıalogyn qurý bolyp tabylady», - dedi Nurlan Nyǵmatýlın.

Májilis tóraǵasy atap ótkendeı, memleketterdiń saıası jáne ekonomıkalyq damýynyń negizgi baǵyttaryn aıqyndaǵan parlamenttiń róli aımaqtyq jáne qurlyqtyq deńgeıde ózara árekettesýdiń ortaq núktelerin jáne ózara tıimdi sheshimderdi tabý úshin mańyzdy negiz bolady.

Nur-Sultan qalasynda ótetin parlamentaralyq forýmǵa Eýropa men Azııanyń 84 elinen Parlament basshylary, 16 halyqaralyq jáne parlamentaralyq uıymdardyń basshylary shaqyryldy.

Búginde 50-den astam eldiń parlamentshileri ózderiniń qatysýyn rastady, onyń ishinde 40-tan astam eldiń spıkerleri, sondaı-aq 16 halyqaralyq uıym bar.

Forýmda Eýropanyń jáne Azııanyń bedeldi parlamentshileriniń qatysýy zamanaýı damýdyń kókeıkesti máselelerine qatysty pikir almasýǵa, sondaı-aq Eýrazııadaǵy ómirge qabiletti «ámbebap jeńis» modeline kóshý úshin kórneki jáne praktıkalyq tájirıbeler alýǵa múmkindik beredi. Talqylaýdyń nátıjesi, túpkilikti qujatty - Spıkerlerdiń Birlesken málimdemesi - bul bizdiń ortaq bolashaǵymyzǵa Eýrazııa qurlyǵynyń odan ári damýy týraly parlamentshilerdiń kózqarasyn kórsetetin bolýy kerek dep úmittenemiz. Jalpy aldaǵy forým eýrazııalyq keńistiktegi jan-jaqty ózara is-qımyldy jáne yntymaqtastyqty nyǵaıtýǵa, parlamentaralyq baılanystar men áriptestikti damytýǵa yqpal etetin bolady», - dep atap ótti Nurlan Nyǵmatýlın.