New Balance talap-aryzy boıynsha sotta bitimgershilik kelisim bekitildi
ASTANA.KAZINFORM – Astana qalasynyń mamandandyrylǵan aýdanaralyq ekonomıkalyq sotynda New Balance Athletic, Inc. kompanııasynyń talap qoıýy boıynsha azamattyq is qaraldy.
Amerıkalyq kompanııa talap-aryzynda jaýapkerdiń New Balance taýar belgilerin zańsyz paıdalanǵanyn aıtyp, ótemaqy óndirýdi suraǵan.
Sot taraptardy tatýlastyrý maqsatynda tıisti sharalar qabyldap, nátıjesinde taraptar sotta bitimgershilik kelisimge keldi.
Kelisim sharttaryna sáıkes, jaýapker 200 000 teńge kóleminde ótemaqy tóleýge, sondaı-aq talap qoıýshynyń «New balance» taýar belgisi beınelengen taýardy joıýǵa mindettendi.
Sot bitimgershilik kelisimdi bekitip, azamattyq is boıynsha is júrgizýdi toqtatty.
Aıta keteıik, buǵan deıin Qytaıdan satyp alynǵan taýarlar qazaqstandyqtarǵa qalaı jetkiziletini jaıly jazǵanbyz.
