Nevrologııalyq aýrýǵa shaldyqqan naýqastar ońaltýdan tegin óte alady

ALMATY. QazAqparat- Nevrologııalyq aýrýǵa shaldyqqan almatylyqtar mindetti áleýmettik medıtsınalyq saqtandyrý paketi sheńberinde densaýlyǵyn ońalta alady. Bul týraly Almaty qalalyq №1 aýrýhanasynyń baspasóz qyzmeti málim etti, dep habarlaıdy QazAqparat tilshisi.

Insýlt alǵan naýqastardyń biriniń aıtýynsha, ol MÁMS aıasynda ońaltýdan ótken.

«Men aýrýhananyń neıroreabılıtatsııa bólimine ınsýlt alǵannan keıin 20 kúnnen soń tústim. Ol kezde óz betimshe qozǵalyp, sóıleı almaıtynmyn», - deıdi naýqas.

Aýrýhananyń tájirbıeli dárigerleri jeke ońaltý baǵdarlamasyn jasap, reabılıtatsııanyń kınezıoterapııa ádisin qoldaný týraly sheshim qabyldady.

Kınezıoterapııa ınsýlt saldarynan sal bolyp qalǵandardy aıaǵynan turǵyzýǵa múmkindik beredi.

Nátıjesinde ońaltýdan ótken almatylyqtyń este saqtaý, sóıleý qabileti jaqsardy.

Neıroreabılıtatsııa bóliminiń meńgerýshisi Ámına Seıdanovanyń aıtýynsha, bólimshe qajetti joǵary tehnologııaly apparattarmen jabdyqtalǵan, atalǵan sanattaǵy syrqattarmen jumys isteıtin bilikti mamandar da jetkilikti.

«Ońaltýdyń ekinshi kezeńi mıdaǵy qan aınalysy buzylǵan jáne mıyna, julynyna ota jasalǵan patsıentterge arnalǵan. Olar bólimshege atalǵan manıpýlıatsııadan keıin 9 aıdan soń qabyldanady. Keshendi emdeý-ońaltý protsesine kóptegen salalyq mamandar jumydyrylady. Josparly túrde statsıonarǵa jatqyzý «Aýrýhanaǵa jatqyzý bıýrosy» portaly arqyly júrgiziledi», - dep atap ótti dáriger.

Aıta keteıik, medıtsınalyq ońaltý mindetti áleýmettik medıtsınalyq saqtandyrý arqyly júrgiziledi.