Nevadadaǵy iri órtke baılanysty 90 myńǵa jýyq adam evakýatsııalanady
ASTANA. KAZINFORM — Nevada shtatynyń Rıno qalasy mańynda tez taralyp jatqan orman órtine baılanysty 90 myńǵa jýyq adamǵa evakýatsııalaý týraly eskertý berildi. Órt úılerdi jalmap, 6 adam jaraqat aldy, dep habarlaıdy AP.
«Hok» dep atalǵan órt senbi kúni Rıno qalasynyń soltústik-batysynda bastalǵan. Qatty jel jalynnyń tez taralýyna sebep bolǵan. Órt saldarynan úsh turǵyn men úsh jedel qyzmet qyzmetkeri zardap shekti. Birneshe ǵımarat qırady.
Órttiń taralý qaýpine baılanysty shamamen 42 myń turǵyn úılerin tastap ketti. Evakýatsııaǵa daıyn bolý týraly eskertý berilgen aýmaqta taǵy 45 myń adam turyp jatyr.
Órtti sóndirýge shamamen 800 órt sóndirýshi jumyldyryldy. Nevada gýbernatory Djo Lombardo Ýosho okrýginde tótenshe jaǵdaı jarııalap, kómek kórsetý úshin shtattyń Ulttyq gvardııasyn tartty.
Órttiń shyǵýyna adam áreketi sebep bolýy múmkin degen boljam bar. Qazir tergeý júrgizilip jatyr.
Qurǵaq aýa raıy jaǵdaıdy qıyndatyp otyr. Tek senbi kúni Nevadada taǵy 15 orman órti tirkelgen.
Aıta keteıik, Portýgalııada orman órtimen 2 myńnan astam adam kúresip jatyr.
