Nevada - Semeı

«QazAqparat» halyqaralyq aqparat agenttigi «Tarıhı sýret» aıdaryn usynady. Búgin redaktsııa «Nevada-Semeı» qozǵalysy týraly áńgimelemek. 

Semeı ıadrolyq polıgonynda qozǵalystyń qurylýyna birneshe kún qalǵanda radıoaktıvti gaz tarady.

Qazaqstanda ulttyq-patrıottyq qozǵalystyń rýhanı negizin salýshy sanalatyn, sol kezde QazKSR Joǵarǵy Keńesiniń depýtaty (oǵan deıin Qazaqstan Jazýshylar odaǵy basqarmasynyń birinshi hatshysy) bolǵan Oljas Súleımenov Qazaqstan Kompartııasy Semeı oblystyq komıtetiniń birinshi hatshysy Keshirim Boztaevtyń qoldaýymen polıgon jumysyn toqtatý jóninde másele kóterdi.

28 aqpanda Qazaqstan Jazýshylar odaǵy ǵımaratynyń aldyna myńdaǵan adam (onyń kóbi 1986 jylǵy jeltoqsan oqıǵasyna qatysqan) narazylyqqa shyqty. «Nevada-Semeı» qozǵalysynyń tarıhy sol sátten bastaldy.

«Nevada-Semeı» qozǵalysy jetistikke jetip, álemde alǵash ret jańa úlgini – halyq jáne parlament dıplomatııasynyń ózara áreketin kórsetti.

Qazaqstanǵa AQSh-tan (Nevada shtatynan) delegatsııa kelip, álemdegi ıadrolyq synaqty toqtatýǵa shaqyryp, beıbit sherý ótkizdi.

Osylaısha qozǵalys halyqaralyq sıpat alyp, óz ataýyna ıe boldy.