Neva keme zaýytynda «Alataý» korabliniń negizgi jabdyqtaryn qurastyrý jumystary aıaqtaldy
QR QM baspasóz qyzmetiniń habarlaýynsha, eki eldiń ókilderi QR QK Áskerı-teńiz kúshteriniń jaraqtandyrýyna túsetin «Alataý» mına-tartqysh korabliniń aǵymdaǵy jaı-kúıi jáne qurylys barysymen tanysty.
Korablde korpýstyń sýasty bóligin termostattaý jáne boıaý tolyq kólemde oryndaldy, teńiz astyndaǵy borttyq armatýranyń qurastyrylýy oryndaldy, tetikter men negizgi jabdyq, ıaǵnı, bas qozǵaltqyshtar, dızel-generatorlar, rýldik mashına jáne taǵy basqalary jóndeldi.
Búgingi tańda mına-tartqysh korablde qabyldaý-taratý synamalaryn ótkizý jónindegi jumystar atqarylýda. Qazirgi kezde navıgatsııalyq jabdyqtyń, baılanys quraldarynyń, artıllerııalyq qarý-jaraq pen elektr tehnıkalyq jabdyqtyń, qorǵanys júıeleriniń, dabyldama men avtomatıkanyń qurastyrylýy aıaqtalýda, jekelegen júıelerdiń arqandap baılaý synamalary ótkizilýde.
Kelesi kezeńde júris synamalaryn ótkizýge tartqyshty daıyndaýdy aıaqtaý, ony Aqtaý portyna kóshirý, sondaı-aq kelisimshart boıynsha mindettemelerdi oryndaýdy aıaqtaý bolmaq.
Neva keme qurastyrý zaýytynda qazaqstandyq armııany jaraqtandyrý úshin sý jańa mına-tartqysh korabli qurastyrlǵanyn esterińizge sala keteıik. Mundaı tartqysh óndiristegi birden-bir jáne kompozıttik materıaldardan jasalǵan jańa úlgidegi korablder bolyp tabylady. Korabl bazalardyń sý aıdynyn, kemejaılardy, farvaterler men jaǵalaý jıegin mınaǵa qarsy qorǵaý úshin arnalǵan. Atalmysh kemeni paıdalanýǵa berý qazaqstandyq Áskerı-teńiz kúshteriniń jaýyngerlik qabiletin arttyrýǵa yqpal etetin bolady.
