Netflix pen Warner Bros-tiń birigýi kınoteatrlarǵa qıyn soǵýy múmkin

ASTANA. KAZINFORM – Netflix pen Warner Bros. Discovery-diń birigýi saldarynan kınoteatrlarda fılmderdiń kórsetilýi azaıa bastaýy múmkin. Sarapshylar qazir birigý protsesine qatysty osyndaı alańdaýshylyq bildirip otyr, dep habarlaıdy Kazinform agenttiginiń Vashıngtondaǵy menshikti tilshisi The Business Times basylymyna silteme jasap.

Degroof Petercam sarapshysy Krıs Kıppers kınoteatrlarda kórsetiletin fılmder ýaqytynyń qysqarýy sala úshin aıtarlyqtaı qıyndyqtar týdyrýy múmkin ekendigin aıtady.

Netflix Warner Bros Discovery-di satyp alatyn bolsa, pandemııa men Gollıvýdtaǵy ereýilderden qıyndyq kórgen kınoteatrlardyń kınokórsetilimderiniń sany qysqarýy múmkin degen boljam bar.

2026 jyly AQSh-taǵy kassalyq jınaq tanymal franshızalar men «Sýper Marıo», «Oıyndar tarıhy 5», «Kek alýshylar: Fınal» jáne «Dıýna: úshinshi bólim» sııaqty týyndylardyń jalǵasynyń shyǵýy esebinen ósýi múmkin dep boljanyp otyr.

Macquarie sarapshysy Chad Beınonnyń baǵalaýy boıynsha, aınalymdaǵy qarjy 12 paıyzǵa ósip, 9,7 mlrd dollardy quraýy múmkin.

Netflix kompanııasy fılmder kınoteatrlarda 45 kún ishinde kórsetiletinine ýáde berip otyr.

Cinema United lobbılik tobynyń bas dırektory Maıkl O’Lırı Netflix-tiń kınoteartlardyń múddesine qatysty eshteńe aıtpaǵanyn málimdedi.

Eýropa men AQSh-taǵy salalyq qaýymdastyq ókilderi de Netflix nemese Paramount Global-dyń Warner Bros. Discovery-di ıemdenýi blokbasterlerdiń prokatqa shyǵýyna qıyndyq týdyrýy múmkindigin eskertti.

Osyǵan deıin Netflix Warner Bros-ty 82,7 mlrd dollarǵa satyp alatyny týraly jazdyq.