Netflix alǵash ret serıaldaǵy vızýaldy effektiler úshin JI qoldandy
ASTANA. KAZINFORM — Amerıkalyq strımıngtik servıs Netflix óz serıaldarynyń birinde alǵash ret generatıvti jasandy ıntellekt kómegimen jasalǵan vızýaldy effektilerdi paıdalandy, dep habarlaıdy BBC.
Jasandy ıntellekt — mátindik nusqaýlar negizinde beıneler men vıdeolar jasaı alatyn tehnologııa — argentınalyq ǵylymı-fantastıkalyq «El Eternauta» serıalynyń bir kórinisi, ıaǵnı ǵımarattyń qulaý sátin jasaý úshin qoldanylǵan. Bul tehnologııa túsirilim tobyna jumysty jyldamyraq ári únemdi aıaqtaýǵa múmkindik bergen.
Generatıvti JI-di qoldaný oıyn-saýyq ındýstrııasynda qyzý pikirtalas týdyryp otyr. Mamandar avtorlardyń kelisiminsiz jasalǵan kontentter jáne JI adamdardyń ornyn basady degen qaýipke alańdaýly.
Buǵan deıin byltyrǵy jyldyń sáıkes kezeńimen salystyrǵanda bıyl ekinshi toqsanda Netflix tabysyn 16%-ǵa arttyrǵanyn habarlaǵan. Bul ósimge ońtústikkoreıalyq «Kalmar oıyny» serıalynyń úshinshi maýsymynyń tabysy sebep bolǵan. Serıaldy qazirgi tańda 122 mıllıon adam kórgen.
Aıta keteıik, JI 2023 jyly Gollıvýdtaǵy ereýil kezinde kóterilgen basty máselelerdiń biri boldy. Úsh aıǵa sozylǵan ereýil kezinde Stsenarıster gıldııasy jasandy ıntellektini paıdalaný erejelerin qatańdatýdy talap etken.
Aıta keteıik, Qazaqstanda 1414 baılanys ortalyǵyndaǵy árbir 50-shi qońyraýdy jasandy ıntellekt óńdeıdi.