Netanıahý Tramppen taǵy bir kezdesý ótkizetinin rastady

TELЬ-AVIV. KAZINFORM – Izraıl premer-mınıstri Bınıamın Netanıahýdyń kantselıarııasy onyń AQSh prezıdenti Donald Tramppen taǵy bir kezdesý ótkizetinin rastady. Qazirgi ýaqytta Izraıl premeri Vashıngtonda saparda júr, dep jazady TASS.

Kantselıarııa taratqan málimetke sáıkes, eki kóshbasshynyń kezdesýi jergilikti ýaqyt boıynsha saǵat 16:30-da (Qazaqstan ýaqytymen 01:30) Aq úıde ótedi.

Buǵan deıin The Times of Israel basylymy Izraıl premeriniń keńsesindegi derekkózderge silteme jasap, Netanıahý men Tramptyń qaıta kezdesý múmkindigi jaıly habarlaǵan.

Netanıahý 7 shilde kúni Vashıngtonǵa kelgen. Sol kúni keshke onyń Tramppen alǵashqy kezdesýi ótken. The Times of Israel basylymynyń jazýynsha, Izraıl sheneýnikteri bul kezdesýdi «óte jyly ári dostyq atmosferada ótti» dep baǵalaǵan.

Aıta keteıik, Izraıl premer-mınıstri Nıý-Iorkke barýdy josparlap otyr. AQSh-tyń Demokratııalyq partııasynan qalalyq mer qyzmetine úmitker Zohran Mamdanı Halyqaralyq qylmystyq sot (HQS) shyǵarǵan orderge súıene otyryp, Bınıamın Netanıahýdy qamaýǵa alýǵa ýáde etken.

Sondaı-aq, Izraıl tolyqqandy egemendi Palestına memleketin qurýǵa jáne oǵan ásirese qaýipsizdik salasyndaǵy negizgi ókilettikterdi berýge kelispeıdi. Bul týraly Izraıl premer-mınıstri Bınıamın Netanıahý dúısenbi kúni Aq úıde AQSh prezıdenti Donald Tramppen kezdesýinde jýrnalısterdiń suraqtaryna jaýap bergen sátte málimdegen.

AQSh-ta Netanıahýdyń saparyna qarsy narazylyq aktsııasy ótti.