Netanıahý Sırııamen kelisim jasaý múmkindigin jarııalady
ASTANA. KAZINFORM — Izraıl premeriniń Sırııa baǵytyna qatysty málimdemeleri Tel-Avıvtiń bolashaq kelisimderden ne kútetinin qaıta aıqyndady, dep habarlaıdy Kazinform menshikti tilshisi.
Izraıl premer-mınıstri Bınıamın Netanıahý seısenbi kúni jaralanǵan sarbazdar aldynda sóılegen sózinde Damask el astanasynan Hermon taýyna irgeles aýdandarǵa deıin demılıtarızatsııalanǵan aımaq qurǵan jaǵdaıda Sırııamen kelisimge qol jetkizý «múmkin» ekenin aıtty, dep habarlady Reuters.
Prime Minister Benjamin Netanyahu visited the wounded 55th Brigade reserve fighters who were involved in the clash in Syria.
— Prime Minister of Israel (@IsraeliPM) December 2, 2025
The Prime Minister praised the soldiers for their actions in battle and wished them a full recovery.https://t.co/2EpeiviQUC pic.twitter.com/bheOqp7BOa
Ol Hermonǵa jaqyndaýdy qosa alǵanda, strategııalyq aýmaqtardy ustap turý Izraıl úshin halyqtyń qaýipsizdigin qamtamasyz etý máselesi bolyp qala beretinin atap ótti.
— Biz Sırııadan Damasktan Hermon taýynyń etegindegi aýdandarǵa deıin demılıtarızatsııalanǵan býferlik aımaq qurýdy kútemiz. Biz bul aýmaqtardy Izraıl azamattarynyń qaýipsizdigine kepildik berý úshin ustap otyrmyz jáne bul jalǵasa beredi. Іzgi nıetpen jáne osy qaǵıdattardy túsiný arqyly kelisimge qol jetkizýge bolady, biraq kez kelgen jaǵdaıda biz óz negizderimizdi basshylyqqa alamyz, — dep atap ótti Izraıl premer-mınıstri.
Bul málimdeme Tramp Izraılge Sırııada turaqsyzdyq týǵyzbaý kerektigin eskertkennen keıin jasaldy.
Ótken jumada Izraıl tarapynan Sırııanyń ońtústigine jasalǵan operatsııadan 10-nan astam adam qaza tapqanyn jazǵan edik.