Netanıahý Palestına memleketine taǵy qarsy shyqty

ASTANA. KAZINFORM — Izraıl premer-mınıstri Bınıamın Netanıahý aýmaqtyń kez kelgen jerinde Palestına memleketin qurýǵa qarsylyǵy ózgermegenin málimdedi, dep habarlaıdy DW aqparat agenttigi.

— Maǵan eshkimniń qoldaýy, tvıtteri nemese dáristeri qajet emes, — dedi Netanıahý jeksenbi kúni ótken úkimet otyrysynda ońshyl mınıstrlerdiń bul másele boıynsha ustanym bildirý týraly úndeýine jaýap retinde.

Bir kún buryn ásire ońshyl partııalardyń mınıstrleri Betsalel Smotrıch pen Itamar Ben-Gvır úkimet basshysynan AQSh prezıdenti Donald Tramptyń beıbitshilik josparyn qoldaıtyn BUU Qaýipsizdik Keńesiniń qarar jobasynda Palestına memlekettiligine «jol» týraly sózder aıtylǵannan keıin Palestına memleketin qurý ıdeıasynan bas tartýdy talap etti. Ben-Gvır eger Netanıahý qandaı da bir shara qoldanbasa, úkimettik koalıtsııadan shyǵatynyn aıtyp qorqytty.

Eske sala ketsek, qyrkúıek aıynda Tramp pen Netanıahý Gazadaǵy soǵysty toqtatý týraly kelisimge keldi. 

22 qyrkúıekte Frantsııa prezıdenti Makron BUU Bas Assambleıasynda Palestınany moıyndaǵany týraly málimdeme jasady. 

Portýgalııa basqa elderden keıin Palestınany moıyndady. 

Onyń aldynda Kanada, Aýstralııa jáne Ulybrıtanııa Palestına memleketin moıyndaıtynyn jarııalady. Kanada Palestınany resmı túrde moıyndaǵan G7 elderiniń birinshisi boldy.