Netanıahý mamyr aıynda Ázerbaıjanǵa saparlaıdy
ASTANA. KAZINFORM — Izraıl premer-mınıstri Bınıamın Netanıahý 2025 jyldyń mamyr aıynyń basynda Ázerbaıjanǵa resmı saparmen barady. Bul týraly Ynetnews basylymy habarlady.
Netanıahý Ázerbaıjan prezıdenti Ilham Álıevpen kelissóz júrgizedi. Olar Baký men Tel-Avıv arasyndaǵy qarym-qatynasty nyǵaıtyp, óńirlik qaýipsizdik máselelerin talqylaýdy kózdeıdi.
Sapar Iran men AQSh arasyndaǵy ıadrolyq kelissózderdiń qaıta bastalýymen tuspa-tus kelip otyr. Sonymen qatar, Sırııadaǵy Túrkııa áskeriniń bolýy jónindegi kelissózder de kún tártibine engizilgen.
— Maqsat Izraıl men Ázerbaıjan arasyndaǵy ekijaqty baılanysty keńeıtý, Bakýdyń Ortalyq Azııadaǵy yqpalyn arttyrý jáne Ázerbaıjannyń «Avraam kelisimine» qosylý múmkindigi talqylaý, — delingen habarda.
Jýyrda Álıev Túrkııa prezıdenti Rejep Taıyp Erdoǵanmen jáne Sırııanyń jańa prezıdenti Muhammed ash-Sharaamen kelissózder ótkizgen bolatyn. Sarapshylardyń pikirinshe, bul Ázerbaıjannyń óńirdegi rólin nyǵaıtyp otyr. AQSh pen Izraıl de Álıevti óńirlik qaıshylyqtardy sheshýde mańyzdy deldal retinde qarastyrady.
Aıta keteıik, Ilham Álıev Antalııada ótken 4-shi dıplomatııalyq forýmda Ázerbaıjan Sırııany qalpyna keltirýge qatysýǵa daıyn ekenin málimdegen edi.
Sondaı-aq, Ázerbaıjan Tramp komandasyna USAID-tiń zańsyz áreketteri týraly faktilerdi berýge nıetti.