Netanıahý Lıvanmen tikeleı kelissózderdi bastaýǵa tapsyrma berdi

ASTANA. KAZINFORM – Izraıl premer-mınıstri Bınıamın Netanıahý Lıvan bıligimen tikeleı kelissózderdi bastaý týraly tapsyrma bergenin málimdedi, dep habarlaıdy BBC.

«Lıvan tarapynan birneshe ret tikeleı kelissóz bastaý týraly ótinishter túskenin eskere otyryp, keshe úkimetke bul úderisti múmkindiginshe tez bastaýǵa tapsyrma berdim», – dedi ol.

Netanıahýdyń aıtýynsha, kelissózderdiń negizgi taqyryptary «Hezbollany» qarýsyzdandyrý jáne Izraıl men Lıvan arasynda beıbit qatynas ornatý bolmaq.

«Izraıl Lıvan premer-mınıstriniń Beırýtty demılıtarızatsııalaý týraly úndeýin quptaıdy», – dep qosty ol.

BBC málimetinshe, Jozef Aýn keńsesi CNN telearnasyna Netanıahýdyń málimdemesine qatysty túsinikteme berýden bas tartqan.

Sondaı-aq Izraıldiń Lıvandaǵy «Hezbollaǵa» qarsy operatsııasy bitim sharttaryn túsindirýde negizgi daýly máselelerdiń biri bolyp otyr.

Iran syrtqy ister mınıstriniń orynbasary Saıd Hatıbzade BBC-ge bergen suhbatynda: «Izraıldiń 8 sáýirdegi Lıvanǵa jasaǵan soqqylary AQSh pen Iran arasyndaǵy bitimdi óreskel buzý bolyp tabylady», – dep málimdedi.

Onyń aıtýynsha, Lıvandaǵy soqqylar saldarynan 200-den astam adam qaza tapqan.

Hatıbzade sondaı-aq: «Eger AQSh agressııasyn toqtatsa, Ormýz buǵazy qaıta ashylady», – dedi.

Aıta keteıik, buǵan deıin Izraıldiń Gazaǵa shabýyldardy jalǵastyryp jatqany habarlanǵan bolatyn.