Netanıahý kelesi saılaýda Izraıl premeri qyzmetine qaıta úmitker bolatynyn málimdedi

ASTANA. KAZINFORM – Izraıl premer-mınıstri Bınıamın Netanıahý 2026 jyly ótetin parlamenttik saılaýda premer-mınıstr laýazymyna qaıta úmitker bolatynyn jarııalady, dep habarlaıdy Sınhýa.

Bul týraly ol ızraıldik Channel 14 telearnasyna bergen suhbatynda aıtyp, jeńiske jetetinine senimdi ekenin de atap ótti.

Eske salaıyq, 2022 jylǵy saılaýda Netanıahýdyń ońshyl «Lıkýd» partııasy 120 orynnyń 32-sin ıelenip, 64 depýtat Knessette oǵan úkimet qurýdy usynǵan bolatyn. Sol jyldyń jeltoqsanynda ol qaıtadan premer-mınıstr qyzmetine kirisip, qazirgi tańda ýltraońshyl koalıtsııany basqaryp otyr.

Aldaǵy aptada 76 jasqa tolatyn saıasatker buǵan deıin Izraıldiń premer-mınıstri qyzmetin eki márte atqarǵan: alǵash ret 1996-1999 jyldary, keıin 2009-2021 jyldary. 2021 jyly ol ıAır Lapıd pen Naftalı Bennet qurǵan tsentrıstik koalıtsııa nátıjesinde bılikten ketken edi.

Aıta keteıik, Gaza sektorynda qaza tapqan taǵy eki tutqynnyń máıiti Izraılge jetkizildi.