Netanıahý: Izraıl endi AQSh qoldaýyn qajet etpeıdi
ASTANA. KAZINFORM — Izraıl premer-mınıstri Bınıamın Netanıahý AQSh tarapynan Izraılge kórsetiletin qarjylyq qoldaýdy toqtatýǵa nıetti ekenin málimdedi. Ol el ekonomıkasy qazir Amerıkanyń qoldaýynsyz ómir súre alatyndaı kúshti ekenin alǵa tartty, dep habarlaıdy News18.
— Men Amerıkanyń kómegin toqtatqym keledi. Bul jumyssyzdyqqa beriletin járdemaqy sııaqty, men muny qalamaımyn. Bizdiń ekonomıkamyz endi shaǵyn ekonomıka emes… biz AQSh-tan alatyn JІÓ úlesin ózimiz qarjylandyra alamyz. Men bul protsestiń bıyl bastalýyn qalaımyn, — dedi Netanıahý.
Netanıahý bul málimdemeni qaýipsizdik máseleleri, Palestına máselesi, Gaza sektory, Iran jáne Lıvan boıynsha óz úkimetiniń ustanymyn baıandaı otyryp jasady.
— Izraıl — evreı halqynyń ulttyq memleketi. Munda Palestına memleketi bolmaıdy, — dedi ol.
Sondaı-aq premer-mınıstr Izraıl belsendi qaýipsizdik saıasatyn júrgizýdi jalǵastyratynyn málimdedi.
— Gaza sektoryndaǵy qonystardy qalpyna keltirý máselesine kelsek, aldymen is-qımyl jasaý kerek, sodan keıin ǵana bul týraly aıtý qajet. Keıde osy ekeýin bir-birinen ajyrata bilgen durys. Sondyqtan bul taqyrypqa qatysty qosarym joq, — dedi ol Ǵaza sektoryndaǵy ızraıldik qonystardy qaıta qalpyna keltirý múmkindigi týraly pikir bildire otyryp.
Jalpy memlekettik saıasat týraly aıta otyryp, Netanıahý memlekettik basqarý óneri tek ishki saıasatpen shektelmeıtinin aıtty.
— Men búkil álemge ár joly bárin aıtyp otyrýǵa mindetti emespin, — dedi ol.
Izraıldiń Iranǵa qarsy áskerı áreketi pikir bildirdi.
— Biz ózimizdi qorǵaý úshin Iranǵa eki ret basyp kirdik. Qajet bolsa, muny úshinshi ret te jasaımyz, — dedi Netanıahý.
Netanıahý Izraıl áskeri «Hezbolla» olarǵa qaýip tóndirmeıinshe, Lıvanda qalatynyn málimdedi.
— Biz Lıvannan ketken joqpyz. Biz negizinen Lıvanmen shekaradan shamamen 10 shaqyrym jerdegi qaýipsizdik beldeýin Lıvan úkimetiniń kelisimimen qurdyq. Árıne, «Hezbolla» ókpeli. Iran týraly da solaı aıtýǵa bolady, — dedi Bınıamın Netanıahý.
Seısenbi kúni Netanıahý Lıvannyń ońtústigindegi Izraıl áskerlerine baryp, el kúshteri Iran qoldaǵan «Hezbollanyń» qaýpi joıylǵansha sol jerde qalatynyn málimdedi.
Onyń málimdemesi Lıvan men Izraıl AQSh-tyń deldaldyǵymen beıbitshilik ornatýǵa jáne «Hezbollany» qarýsyzdandyrýǵa baǵyttalǵan negizdemelik kelisimge qol qoıǵannan keıin birneshe kún ótken soń jasaldy.
Kelisimge sáıkes, Izraıldiń basyp alynǵan Lıvan aýmaǵynan kez kelgen sheginýi tek Beırýttyń Lıvan áskerı kúshteri bılikti «Hezbolladan» óz qolyna alatyn «pılottyq aımaqtardy» qurý shartymen ǵana múmkin bolady.
Buǵan deıin Tegeran, Vashıngton jáne Beırýt Lıvandaǵy beıbitshilik kelisimin qamtamasyz etý úshin birlesken komıtet quratyny habarlanǵan bolatyn.
