Netanıahý HAMAS qozǵalysyn qarýsyzdandyramyn dep ýáde berdi
ASTANA. KAZINFORM — Izraıl premer-mınıstri Bınıamın Netanıahý palestınalyq HAMAS qozǵalysyn qarýsyzdandyrýǵa jáne Gaza sektoryn demılıtarızatsııalaýǵa ýáde berdi, dep habarlaıdy Sınhýa aqparat agenttigi.
Netanıahý sonymen qatar ótken aıda kúshine engen atysty toqtatý týraly kelisimge qaramastan, úkimeti qalǵan sodyrlardy qýdalaýdy jalǵastyratynyn málimdedi.
— HAMAS-tyń keıbir toptary Gazanyń bizdiń baqylaýymyzdaǵy keıbir bólikterinde áreket etýin jalǵastyrýda jáne biz olardy júıeli túrde joıyp jatyrmyz. HAMAS-ty qarýsyzdandyrý jáne Gaza sektoryn demılıtarızatsııalaý — bizdiń basty qaǵıdattymyz. Eger buǵan bir ádispen qol jetkizý múmkin bolmasa, ol basqa jolmen júzege asyrylady, — dep málimdedi Izraıl premer-mınıstri.
Onyń aıtýynsha, Izraıl áskerı kúshteri Gazadaǵy áskerlerdi qorǵaýdy jalǵastyrady. Ol Izraıl tarapy operatsııalar týraly amerıkalyq odaqtastaryna habarlaıtynyn, biraq «olardyń ruqsatyn suramaıtynyn» naqtylady. Premer-mınıstr Izraıldiń «qaýipsizdikke degen joǵary jaýapkershiliginen» bas tartpaıtynyn atap ótti.
Kazinform úshin arnaıy Sınhýa aqparat agenttigi usynǵan.
Buǵan deıin HAMAS Izraılge kepilge alynǵandarǵa tıesili emes taǵy 3 adamnyń máıitin tapsyrǵanyn jazǵan bolatynbyz.