Netanıahý Gazadaǵy 10 ızraıldik tutqyndy bosatýǵa nıetti

ASTANA. KAZINFORM — Egıpet 5 ızraıldik áskerı tutqyndy bosatýdy kózdeıtin medıatorlardyń burynǵy usynysy arasynda jańa joba usyndy. Bul týraly Anadoly jazdy.

Ierýsalım

Izraıl premer-mınıstri Bınıamın Netanıahý HAMAS-pen Gaza sektorynda atysty toqtatý men tutqyndar almasý jónindegi kelisimdi qaıta jandandyrý boıynsha júrgizilip jatqan kelissózder aıasynda Gazadaǵy 10 ızraıldik tutqyndy bosatýǵa nıetti ekenin málimdedi.

Izraıldiń Channel 12 telearnasynyń habarlaýynsha, Netanıahý Gazadaǵy tutqyndardyń biri — Eıtan Mordyń otbasymen kezdesken.

Premer-mınıstr Mordyń otbasyna: «Gazadaǵy 10 ızraıldik tutqyndy birden bosatý maqsatynda kelissózder jalǵasyp jatyr», — dep aıtqan.

Mordyń otbasy Netanıahýǵa «Tıkva forýmy» dep atalatyn, ońshyl úkimetke jaqyn tutqyndar otbastarynyń tobynyń ustanymyn jetkizgen. Bul toptyń talaby — «Gazadaǵy barlyq tutqyndar birden elge qaıtarylýy kerek». 

Egıpettiń atysty toqtatý jónindegi usynysy ústelde tur

Izraıldik BAQ-tyń habarlaýynsha, Egıpet deldaldardyń buǵan deıingi usynystary negizinde jańa jobany usynǵan. Bul jobaǵa saı 5 ızraıldik áskerı tutqyn bostandyqqa shyǵýy tıis. Usynys 70 kúnge atysty toqtatýdy sondaı-aq 2500 palestınalyq tutqyndy bosatý esebinen 9 ızraıldik tutqyndy, sondaı-aq olardyń ekeýiniń súıegin qaıtarýdy kózdeıdi. 

Keıin Egıpettiń usynysy 40–70 kún aralyǵynda atysty toqtatý men palestınalyq tutqyndardy bosatý arqyly 8 ızraıldikti bosatýdy qarastyratyny belgili boldy. HAMAS ókilderi atysty toqtatý kelissózderi úshin Mysyr astanasy Kaırge keldi. 

Buǵan deıin habarlanǵandaı, Izraıl áskeri Gaza sektoryndaǵy 400-den astam mektepke soqqy jasady.