Netanıahý Gaza turǵyndaryn qaladan ketýge shaqyrdy
ASTANA.KAZINFORM – Izraıl áskeri jaqyn arada Palestınanyń Gaza qalasyna aýqymdy shabýyldy bastamaqshy. Osyǵan baılanysty jergilikti turǵyndarǵa qaladan ketý kerek. Izraıl premer-mınıstri Bınıamın Netanıahý osyndaı málimdeme jasady. Málimdemeni onyń keńesi taratty.
Bul rette Netanıahý keıingi birneshe kúnde Izraıl áskeriniń Gazada birneshe kópqabatty ǵımaratty qıratqanyn eske saldy. Izraıl tarapynyń aıtýynsha, bul kópqabattardy HAMAS qozǵalysynyń ókilderi soǵysqa paıdalanyp otyr.
Prmeerdiń sózinshe, Izraıldiń ásker áýe kúshteri Gazada 50 kópqabatty ǵımaratty qıratqan.
-Bunyń barlyǵy negizgi áreketterdiń basy ǵana. Bizdiń ásker qazir Gazada jerústi manevrin jasaýǵa daıyndalyp jatyr. Osy rette men Gaza turǵyndaryn qaladan ketýge shaqyramyn,-dedi Netanıahý.
Buǵan deıin Izraıl bıligi Gaza qalasyn tolyq baqylaýǵa alyp, HAMAS qozǵalysynyń radıkaldy toptaryn tolyǵymen joıý úshin keń aýqymdy shabýyl operatsııasyn josparlap otyrǵanyn habarlaǵan bolatyn. Bul operatsııaǵa qatysty josparlar tamyz aıynyń sońynda premer-mınıstr Netanıahýdyń bastamasymen maquldanǵan.
Osyǵan deıin Izraıl Gaza sektoryndaǵy kópqabatty ǵımaratty qıratqany týraly jazdyq.