Netanıahý Damaskidegi prezıdent saraıynyń janyndaǵy nysanǵa shabýyl jasalǵanyn málimdedi

ASTANA. KAZINFORM – Izraıl premer-mınıstri Bınıamın Netanıahý men Qorǵanys mınıstri Israel Kats Damaskidegi prezıdenttik saraı mańyndaǵy nysanǵa jasalǵan shabýyl týraly birlesken málimdeme jasady, dep habarlaıdy TASS aqparat agenttigi.

– Bul Sırııa rejımine jasalǵan aıqyn belgi. Biz Damaskiniń ońtústigine ásker jiberýge nemese drýzdar qaýymdastyǵyna qaýip tóndirýge jol bermeımiz, - dep keltirdi The Times of Israel málimdemeden úzindini. 

Buǵan deıin Sırııada drýzdar (arabtardyń jabyq etnokonfessııalyq toby) men úkimetti qoldaıtyn kúshter arasyndaǵy qaqtyǵysta 14 adamnyń qaza tapqany habarlanǵan bolatyn.

Eske sala ketsek, Reseı Damaskidegi jańa úkimettiń Reseıge qashyp ketken Bashar Asadty ekstradıtsııalaý týraly ótinishin qabyldaǵan joq.