Netanıahý Abbaspen telefon arqyly beıbitshilikti ornatý máselesin talqylady
ASTANA. QazAqparat - Izraıldyq premer-mınıstr Bınıamın Netanıahý Palestına prezıdenti Mahmýd Abbasqa telefon shaldy, dep jazdy The New York Times.
Bul bir jyldan astam ýaqyttaǵy eki kóshbasshynyń telefon arqyly alǵashqy sóılesýi.
Netanıahý keńsesi taratqan habarlamada premer Abbaspen áńgimelesý barysynda «Izraıl azamattary beıbitshilikti qalaıtynyn» jáne «Izraıl aımaqta turaqtylyqty ornatýǵa talpynatynyn» aıtqany týraly jazdy.
Óz kezeginde, Palestına basshysy jyldyń sońyna deıin beıbit kelisimine qol jetkizý mańyzdy ekenin aıtty.
