Netanıahý 12 jyldyq bılikten keıin Izraıl premer-mınıstrliginen ketti
NUR-SULTAN. QazAqparat – Jeksenbi kúni Izraıl parlamenti koalıtsııalyq úkimettiń jańa quramyn bekitip, Bınıamın Netanıahýdiń 12 jyldan bergi bıligine núkte qoıdy, dep habarlaıdy QazAqparat VVS-ge silteme jasap.
Netanıahý Izraıldi rekordty 5 merzim boıy basqardy. Jańa úkimetke burynǵy qorǵanys mınıstri, ońshyl saıasatker Naftalı Bennet basshylyq etetin boldy. Koalıtsııada onyń kabıneti ıAır Lapıdtiń jetekshiligindegi tsentrıstik partııamen jasaqtalǵan. Taraptar kelisim jasasqan, oǵan sáıkes Bennet premer-mınıstr laýazymynda eki jyl bolady. Keıin bul qyzmetti eki jylǵa, ıaǵnı jańa parlamenttik saılaý ótkenshe Lapıdke beredi.
Jańa alıansqa ıdeologııa turǵysynan úlken qarama-qaıshylyqqa ıe partııalar enip otyr. Sondaı-aq úkimette áıel mınıstrlerdiń rekordty sany (8 mınıstr) bolatyny kútilýde. Partııalardy saıası baǵytta eshteńe baılanystyrmasa da, olar Netanıahýdiń kópjyldyq basshylyǵyna núkte qoıý maqsattarynda ortaq.
Alıans Izraıl men HAMAS (Gaza sektorynda palestınalyq anklavqa basshylyq etetin ıslamıstik top) arasyndaǵy 11 kúndik qaqtyǵystan keıin jáne kóbine arab halqynan quralǵan ızraıldik qalalarda qaýymdar arasyndaǵy janjaldan keıin týyndady.
Izraıldiń jańa úkimetinde 28 mınıstr men olardyń 6 orynbasary bolady.
