Nestle ónimderi Qazaqstan naryǵynan keri qaıtarylyp jatyr
ASTANA. KAZINFORM – «Nestle Fýd Qazaqstan» JShS Qazaqstan aýmaǵynda saqtyq sharasy retinde balalar taǵamynyń shekteýli partııalaryn erikti túrde keri qaıtaryp jatyr.
Kompanııa málimetinshe, keri qaıtaryp alý qurǵaq tez erıtin sút jáne qyshqyl sút qospalaryna, sondaı-aq amınqyshqyldary negizindegi emdik dıetalyq qospanyń belgili bir partııalaryna qatysty. Bul sheshim syrtqy jetkizýshiden alynǵan shıkizatta tsereýlıd toksıniniń bolýy múmkin degen yqtımal qaýipke baılanysty qabyldanǵan.
«Nestle Fýd Qazaqstan» ýákiletti organdy habardar etip, qajetti aqparatty usynýǵa daıyn ekenin málimdedi. Ónimdi qaıtarý jáne qarajatty óteý tártibi týraly málimet jaqyn arada jarııalanady.
Kompanııanyń habarlaýynsha, keri qaıtaryp alý tek shekteýli partııalarǵa ǵana qatysty jáne Qazaqstanda satylatyn balalar taǵamynyń basqa ónimderine áser etpeıdi.
Qosymsha aqparat alý úshin tutynýshylar táýlik boıy jumys isteıtin qoldaý qyzmetine habarlasa alady: 8 800 080 55 44.
Eske salsaq, Qazaqstanda 2025 jyldyń 1 qyrkúıeginen bastap bilim berý uıymdarynda oqýshylardy tamaqtandyrýdyń jańa standarty qoldanysqa engizildi.