Nesıesin jaba almaı júrgen qazaqstandyqtar sany belgili boldy

ASTANA. QazAqparat – Nesıesin tóleı almaı júrgen qazaqstandyqtardyń sany 1,5 mln adamnan asty. Bul týraly Májilistiń jalpy otyrysynda depýtat ıÝrıı Lı aıtty, dep habarlaıdy QazAqparat tilshisi.

«QR Qarjy naryǵyn retteý jáne damytý agenttiginiń málimetine qaraǵanda, 2022 jyldyń 1 shildesindegi jaǵdaı boıynsha ekinshi deńgeıli bankterge, mıkroqarjy uıymdaryna jáne kollektor agenttikterge qatysty qaryzdy tólemeý merzimi 90 kúnnen asyp ketken boryshkerlerdiń sany 1 520 000 adam boldy», - dedi ıÝrıı Lı óziniń depýtattyq saýalyn jarııalaý kezinde.

Onyń aıtýynsha, mıkroqarjy uıymdarynyń qaryz portfelinde nesıe boıynsha tólenbegen merzim 90 kúnnen asyp ketken boryshkerlerdiń sany 38 paıyzdy qurap otyr. Osy oraıda qaryz alǵan 555 myń adam tirkelgen.

«Atap aıtqanda, qaryz alǵan 10 adamnyń tórteýi nesıesin óteı almaı otyr. Mıkroqarjy uıymdarynda kredıtin tóleı almaı júrgenderdiń úlesi jalpy kredıtorlar boıynsha qaryz portfelinde 37 paıyzdy qurady», - dedi depýtat.