Nesıesin tóleýden jaltarǵan áıel qujattaryn alaıaqtar paıdalanyp ketti dep aryzdanǵan

ASTANA. QazAqparat  - Aqsý qalasynyń turǵyny Natalıa Agapova belgisiz bireýlerdiń onyń atynan nesıe alǵandyǵyn jáne banktyń aı saıyn nesıe tóleýdi talap etip jatqandyǵy jóninde polıtsııaǵa aryzdanǵan. 

Pavlodar oblystyq prokýratýrasynyń baspasóz qyzmetiniń málimetinshe, áıel adam óz nesıesin tóleı almaǵandyqtan, osylaısha mindetinen jaltarǵysy kelgen, dep habarlaıdy pavlodarnews.kz .

 Ol polıtsııaǵa alaıaqtardyń keltirgen shyǵyn kólemi 301 756 teńge dep kórsetken. - Tergeý nátıjesinde belgili bolǵany, Agapova jalǵan aqparattardy jetkizgen. Aqsý qalalyq sotynyń sheshimimen áıel adam kináli dep tanylyp, probatsııalyq baqylaýmen 1 jyl 6 aıǵa bas bostandyǵynan aıyryldy, - dedi prokýratýrada.