Nesıeniń jyldyq paıyzy qazirgi 56 paıyzdan tómen túsýi múmkin
ASTANA. KAZINFORM –Qazaqstanda nesıeniń jyldyq tıimdilik syıaqysynyń mólsherlemesi qazirgi 56%-dan 40-42%-ǵa deıin tómendeýi múmkin. Májilis depýtaty Berik Beısenǵalıev Senat qarap jatqan zań jobasynyń osyndaı jańashyldyǵy bar ekenin aıtady.
Buǵan deıin Májilis Qazaqstan Respýblıkasynyń keıbir zańnamalyq aktilerine kredıt berý kezindegi táýekelderdi azaıtý jáne qaryz alýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly zań jobasyn qabyldap, Senatqa joldaǵan bolatyn.
«Zań jobasy jyldyq tıimdilik syıaqysynyń mólsherlemesi Ulttyq bank pen Qarjy naryǵyn retteý jáne damytý agenttiginiń birlesken sheshimimen bekitilýin kózdeıdi. Qazir Qazaqstanda bul kórsetkish 56% deńgeıinde bekitilgen. Zańdy Senat maquldasa, ekinshi deńgeıli bankterdiń jyldyq tıimdilik syıaqy mólsherlemesi 40-42%-ǵa deıin, shaǵyn nesıe uıymdarynyń jyldyq tıimdilik syıaqy 50%-ǵa deıin túsedi», — dedi depýtat Kazinform. tilshisine bergen suhbatynda.
Jyldyq tıimdilik syıaqy mólsherlemesi — qarapaıym tilmen túsindirsek, qaryz alýshynyń nesıege alǵan soma ústinen jyl boıy tóleıtin artyq aqsha mólsheri degen sóz.
ıAǵnı, onyń ishine banktiń paıyzdyq mólsherlemesi men qyzmet kórsetý alymdary qosa kiredi.
