Nesıeni keshirý men keıinge qaldyrý sharalary qaı sanatta qoldanylmaıdy

NUR-SULTAN. QazAqparat – QR Qarjy naryǵyn retteý jáne damytý agenttigi Qarjylyq qyzmetterdi tutynýshylardyń quqyqtaryn qorǵaý departamentiniń dırektory Aleksandr Terentev qańtardaǵy tártipsizdikterden keıingi qoldaý sharalary kórsetilmeıtin sanattardy atady, dep habarlaıdy QazAqparat.

«Qaryzdy keshirý nemese qosymsha kómek kórsetý boıynsha barlyq máseleler jeke-jeke júrgiziletin bolady. Eger adam belsendi qatysyp, quqyq qorǵaý organdary men sot ony tártipsizdikterge kináli dep tanysa, árıne, bul qoldaý sharalary olarǵa qoldanylmaıdy», - dep túsindirdi Aleksandr Terentev Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, Іshki ister mınıstrligi áskerıler men qyzmetkerleriniń tizimin jasady, olar boıynsha tıisti jumystar júrgizildi.

«Qazirgi ýaqytta zańsyz is-áreketterge qatysy joq jeke tulǵalar tizimderin Eńbek jáne halyqty áleýmettik qorǵaý mınıstrligimen birge pysyqtap jatyrmyz jáne olar boıynsha da áskerı qyzmetshiler men ishki ister qyzmetkerleri úshin kózdelgen sharalar júrgiziledi», - dep atap ótti A. Terentev.

Aıta keetıik, tártipsizdik kezinde qaza tapqan beıbit turǵyndardyń nesıesi tolyq keshiriledi.

Al zardap shekkenderdiń nesıesi 3 aı keıinge shegeriledi.