Nesıege ótinish berdińiz be: Alaıaqtar endi WhatsApp arqyly aldaı bastady

 Óńirde ınternet-alaıaqtardyń WhatsApp messenjerin paıdalaný jaǵdaılary jıilep ketti, dep habarlaıdy Kazinform.

WhatsApp messenjerimen qońyraý shalǵan alaıaqtar ózin bank qyzmetkerimin dep tanystyrady da, qaýipsizdik jáne alaıaqtyqtyqtan qorǵaý úshin atalǵan qosymsha paıdalanylatynyna sendiredi. 

Olar sizdiń atyńyzdan jasalǵan bank operatsııalary týraly habarlaıdy.

Mysaly, «Siz onlaın nesıe alýǵa ótinish berdińiz be?», «Basqa qaladan karta aýystyrýǵa ótinish tirkeldi», «Ótinimdi rastaısyz ba?», «Siz Kaspı jáne Halyq bankiniń klıentisiz be?» jáne t. b.

«Eger sizge osylaı qońyraý shalsa, eshqandaı málimet bermeńiz jáne áńgimeni dereý toqtatyńyz. Sebebi bank qyzmetkerleri jumys qońyraýyna WhatsApp messenjerin qoldanbaıdy. Kúmán týyndaǵan jaǵdaıda qaskúnem bolyp kórinetin uıymnyń resmı baılanys nómirine qaıta qońyraý shalyńyz, sondaı-aq 102-ge habarlasyńyz» dep eskertedi Jetisý oblystyq polıtsııa departamenti.