Nesıe tólemin shegerýge 1,1 mln qazaqstandyq ótinish bergen
ALMATY. QazAqparat – Qazaqstanda 1 mıllıonnan astam adam negizgi borysh somasyn óteý jáne zaımdar boıynsha syıaqy esepteýdi keıinge qaldyrýdy surap, bankterge ótinish bergen. Bul týraly Qazaqstan qarjygerleri qaýymdastyǵy keńesiniń tóraǵasy Elena Bahmýtova búgin onlaın-brıfıng barysynda málim etti, dep habarlaıdy QazAqparat tilshisi.
«9 sáýirdegi jaǵdaı boıynsha, 1 mln 137 myńǵa jýyq adamnan ótinish tústi. 983 myńnan astam jeke tulǵanyń ótinishi boıynsha sheshim qabyldandy. Nesıeni tóleý merzimin shegerý boıynsha ótinishter áli de qabyldanýda. Bank ótinishti 10 kún ishinde qaraıdy. Eger áleýmettik jaǵynan az qamtylǵan adam ótinish berse, ol boıynsha tez arada sheshim qabyldanady. Mundaı jaǵdaıda 10 kún kútýdiń qajeti joq. Bankter bul protsesti onlaın rejımde de júrgizip jatyr», – dedi Elena Bahmýtova.
Sonymen qatar ol karantın kezinde bankter tańǵy saǵat 9.00-den bastap, keshki 17:00-ge deıin jumys isteıtinin atap ótti.
