Nesıe alyp beremin dep almatylyqtardyń 26 mln teńgesin qoldy etken adam sottaldy
ALMATY. QazAqparat - Almatyda azamattardyń 26 052 600 teńgesin qoldy etken «nesıe uıymynyń menedjeri» 4 jylǵa bas bostandyǵynan aıryldy. Bul týraly qalalyq sottyń baspasóz qyzmeti habarlady.
Іs materıaldaryna sáıkes, 2014 jyly G. esimdi azamatsha ózin nesıe uıymynda jumys jasaıtyn menedjer retinde tanystyryp «tómen paıyzben nesıe alyp berem» dep adamdardyń senimine kirgen.
Osylaısha 42 adamdy aldap, olardyń qujatymen 26 052 600 teńge kóleminde nesıe alǵan.
Medeý aýdandyq №2 sot úkimimen aıyptalýshy QR QK 190-babynyń 3-bólimimen aıypty dep tanylyp, 4 jylǵa bas bostandyǵynan aıryldy.
Japa shekken azamattardyń shaǵym qanaǵattandyrylyp, olarǵa keltirilgen materıaldyq shyǵyndy óteýge eki aı ýaqyt berildi.
