Nesıe 3,7 mln teńgeden asqan jaǵdaıda erli-zaıyptylardyń ózara kelisimi kerek bolady

ASTANA. KAZINFORM – QR Qarjy naryǵyn retteý jáne damytý agenttigi tóraǵasynyń orynbasary Oljas Qızatov alynatyn nesıe somasy 3,7 mln teńgeden artyq bolǵan jaǵdaıda erli-zaıyptylardyń ózara kelisimi kerek ekenin aıtty.

Atap aıtqanda, búgin Senatta qaralǵan kredıt berý kezinde táýekelderdi barynsha azaıtý týraly zańda jubaıynyń (zaıybynyń) kelisiminsiz kredıt berýge tyıym salý normasy eskerilgen. ıAǵnı alynatyn nesıe somasy 1 myń AEK-ke jetpese, onda jubaıynyń ruqsaty kerek bolmaıdy.

«Normatıvti-quqyqtyq aktiniń jobasynda aldyn ala 1 myń AEK (1 AEK – 3 692 myń teńge) deńgeıinde bolýy kerek dep belgiledik. Bul – shamamen 3 mln 700 myń teńge. Máselen, erli-zaıyptylardyń bireýi shetelde bolýy múmkin. Osy kezde jubaıyna shuǵyl túrde qarajat kerek bolýy yqtımal. Bizdiń oıymyzsha, bul soma (1 myń AEK-ke deıingi somadaǵy nesıe) qandaı da bir shuǵyl qajet jaǵdaılarǵa, onyń ishinde medıtsınalyq kómek máselesin sheshýge jetip qalady», - dedi O. Qızatov Senatta bolǵan baspasóz máslıhatynda.

Onyń aıtýynsha, qomaqty somadaǵy nesıeni alý kezinde erli-zaıyptylardyń ózara kelisiminsiz kredıt berýge tyıym salý normasy alaıaqtyq operatsııalardy azaıtýǵa baǵyttalǵan. Óıtkeni qazir nesıe berý kezinde alaıaqtardyń áreketi artyp kele jatyr.