Neptýn men Ýrannyń túsi biz oılaǵannan basqa bolyp shyqty
Bizdiń Ýran men Neptýn planetalary jaıly túsinigimiz múlde basqa bolyp shyqty. 1980 jyldardaǵy ǵaryshtyq mıssııa fotosýretterinde Neptýnnyń túsi — qoıý kók, Ýran — jasyldaý bolyp kórinedi, biraq ǵalymdar qos planetanyń túsi shyn máninde birdeı ekenin anyqtady. Kazinform bul týraly VVS-ge silteme jasap habarlaıdy.
Brıtandyq astronomdar bastaǵan bir top ǵalym osyndaı qorytyndy jasady (zertteý nátıjesi Monthly Notices of the RAS basylymynda jarııalanǵan).
Sońǵy málimetke sáıkes, eki muz alybynyń da jasyl-kók reńkteri bar.
Zertteý jetekshisi, Oksford ýnıversıtetiniń professory Patrık Irvınniń aıtýynsha, astronomdar fotosýretterdegi bul eki planetanyń túsi shyndyqqa tolyq sáıkes kelmeıtinin burynnan biledi.
Koroldik astronomııalyq qoǵam (RAS) dırektorynyń orynbasary, doktor Robert Massı buryn sýretterdi «jaqsylap óńdeý» tájirıbesi keńinen taraǵanyn rastaıdy.
Professor Irvın men onyń áriptesteri Neptýn men Ýran tústerin dál beıneleý úshin túpnusqa sýrettermen jumys istedi.
Al bastapqy túsinispeýshilik NASA-nyń Voyager 2 ǵarysh kemesi planetalardy birden úsh túrli túspen sýretke túsirgendikten týyndaǵan.
