«Neptýn-2014»: sýda qutqarý kópsaıysynyń jeńimpazdary marapattaldy
ASTANA. QazAqparat - «Neptýn-2014» respýblıkalyq oqý-ádistemelik jıynynyń jabylý rásimi ótti, sýda qutqarý kópsaıysy boıynsha jarystardyń jeńimpazdary men júldegerleri marapattaldy.
Aıta ketsek, 23-26 qyrkúıek aralyǵynda QR ІІM Tótenshe jaǵdaılar komıtetiniń kásibı avarııalyq-qutqarý qyzmetteri men quralymdarynyń qutqarýshylary-súńgýirleri «Jalpy dene daıarlyǵy», «Qutqarý daıyndyǵy» jáne «Súńgýir daıyndyǵy» atty úsh atalymnan turatyn sýda qutqarý kópsaıysy boıynsha básekelerde kúsh synasty.
Batys Qazaqstan oblysy TJD sýda qutqarý qyzmetiniń komandasy sýda qutqarý kópsaıysy boıynsha jarystardyń jeńimpazy atandy, Shyǵys Qazaqstan oblysynyń komandasy ekinshi jáne Qostanaı oblysynyń komandasy úshinshi orynǵa ıe boldy.
Básekelerdi ótkizgen kezde qutqarýshylar-súńgýirler adam ómirin qutqarýǵa qajetti sheberlik pen erjúrektilikti kórsetti, sondaı-aq sýdaǵy tótenshe jaǵdaılar kezinde sýda qutqarý jáne súńgýir-izdeý jumystaryn júrgizý boıynsha daǵdylar men tájirıbeni meńgerdi, dep habarlady Tótenshe jaǵdaılar komıtetiniń baspasóz qyzmetinen.
