Nepaldyq stýdent bir mınýt ishinde óziniń basyn aıaǵymen 134 ret urǵan
ASTANA. QazAqparat - Pýskar Nepal (Puskar Nepal) esimdi nepaldyq stýdent Gınnesstiń rekordtar kitabyna endi. Bul úshin ol bir mınýttyń ishinde óziniń basyn aıaǵymen 134 ret urǵan.
Bul týraly Metro jazdy.
Basylym atap ótkendeı, jas jigit Gınnesstiń rekordtar kitabyna ótken aptada engizilgen, alaıda bul rekordty ol ótken jyldyń jeltoqsan aıynda ornatqan.
Onyń sózine qaraǵanda, rekordty ornatýǵa 8-9 aıdaı daıyndalǵan eken. Ol kúnine birneshe saǵattan jattyǵyp, bir ýaqytta eki aıaǵymen basyn urýdy úırenip alǵan, dep habarlady The New York Post.
Osyǵan deıin bul rekordty amerıkalyq Djoel Leındeker ornatqan bolatyn. Ol aıaǵymen óziniń basyn mınýtyna 124 ret urǵan.
