Nepaldyq gıd eki ret Everesti baǵyndyryp, álemdik rekord ornatty
NUR-SULTAN. QazAqparat – Nepaldyq taýda jol kórsetýshi maman Mıngma Tendjı Sherpa 86 saǵattyń ishinde dúnıe júzindegi eń bıik shyń Everestke (8 849 m) eki ret kóterilip, álemdik rekord ornatty. Bul týraly 13 mamyr kúni Xinhua agenttigi osy eki sharany da uıymdastyrǵan Seven Summit Treks kompanııasynyń ókiline silteme jasap málim etti, dep habarlaıdy QazAqparat.
Birinshi ret jol kórsetýshi 7 mamyrda ekspedıtsııalyq toppen birge kóterilgen, odan keıin ekinshi ret shyńǵa 11 mamyrda qaıta shyqqan.
Everestke eń tez birizdi shyǵý boıynsha álemdik rekordty úndilik alpınıst Anshý Djamsenpe ornatqan. 2017 jyly ol Everestke eki ret 118 saǵat 15 mınýt ishinde shyqty.
2019 jyldyń qazanynda nepaldyq alpınıst Nırmal Pýrdja álemdegi barlyq segiz myńnan asatyn 14 shyńdy baǵyndyryp, teńdessiz álemdik rekord ornatqan. Onyń erligi alpınızm tarıhyndaǵy eń úlken jetistik dep tanyldy.
