Nepaldaǵy jer silkinisinen qaza tapqandar sany 800 adamnan asty
ASTANA. QazAqparat - Nepal astanasy Katmandý mańynda bolǵan zilzaladan qaza tapqandar sany 800 adamnan asty, dep habarlady «VVS» jergilikti bılikke silteme jasaı otyryp.
Polıtsııanyń habarlaýynsha, bul kórsetkish odan kóp bolýy múmkin. Sebebi, aýyr jaralanǵan adamdar sany áli belgisiz jáne qırandylar astynda qalǵan adamdar da shyǵarylǵan joq. Nepal bıligi halyqaralyq qaýymdastyqtan kómek surady. Nepal astanasynan 77 shaqyrym jerde 7,9 balldyq jer silkindi. Jer silkinisinen Everestte qar kóshkini boldy.
