Nepaldaǵy jer silkinisi qurbandarynyń sany 8 myńnan asty
ASTANA. QazAqparat - Nepalda bolǵan joıqyn jer silkinisiniń qurbandary sany 8 myń adamnan asty, dep habarlady Lenta.rý.
Sońǵy málimetter boıynsha qurbandar sany 8019 adamǵa jetti, al 17 876 adam jaraqattanyp, 366 adam iz-túzsiz joǵalǵandardyń qatarynda dep habarlady CNN telearnasy Nepaldyń tótenshe jaǵdaılar jónindegi jedel ortalyǵyna silteme jasap.
Nepalda terbelisi 7,9 ballǵa jetken joıqyn zilzala 25 sáýir kúni tańerteń boldy. Onyń kindigi el astanasy Katmandýdan soltústik-batysqa qaraı 82 shaqyrym jerde, 15 shaqyrym tereńdikte boldy. Budan keıin kúndiz Nepalda birneshe jerasty dúmpýi bolyp, onyń eń qýattysynyń kúshi 6,7 ballǵa jetti.
