Nepaldaǵy sý tasqyny men kóshkin saldarynan 33 adam mert boldy
KATMANDÝ. QazAqparat – Nepaldyń batysynda sý tasqyny men kóshkin saldarynan ótken aptada 33 adam qaza tapty, dep habarlaıdy QazAqparat BBC News-ke silteme jasap.
Bıliktiń habarlaýynsha, eldiń soltústik-batysyndaǵy Karnalı provıntsııasyna mýssondyq jańbyr jaýdy, onda myńdaǵan turǵyn evakýatsııalandy. Júzdegen úı qar kóshkini men sý tasqynynan zardap shekti. Provıntsııa boıynsha 22 adam habar-osharsyz ketken, taǵy ondaǵan adam jaraqat aldy.
Qutqarý qyzmetteriniń habarlaýynsha, eldiń taýly jeri jumysty qıyndatyp otyr. Keıbir aýdandarda Karnalı ózeniniń deńgeıi 12 metrden asyp ketti. Ózen arqyly ótetin birneshe aspaly kópirdi sý shaıyp ketken.
El bıligi apatty aımaqtarǵa tikushaqpen kómek jiberip jatyr. BUU-nyń gýmanıtarlyq máselelerdi úılestirý basqarmasy azyq-túlik pen dári-dármekterdi eldiń batysyndaǵy kóp zardap shekken qaýymdastyqtarǵa taratatynyn habarlady.
Nepalda mýsson maýsymy aıaqtalýǵa jaqyndap qaldy, ol ádette maýsym aıynda bastalyp, qazan aıynda aıaqtalady.
Ulttyq tótenshe jaǵdaılar jónindegi jedel ortalyqtyń málimeti boıynsha, bıyl jańbyr saldarynan bolǵan tabıǵı apattar kem degende 110 adamnyń ómirin qıdy.
Rýstem Kojybaev
Foto: UNICEF
