Nepaldaǵy bal jumaǵy: jabaıy aralardyń qazynasy - FOTO
ASTANA: QazAqparat - Úndistan men Nepal arasyndaǵy shekarada gýrýngı jurtynyń kóshpendileri turady. Olar alyp jartastardyń basyna shyǵyp, jabaıy aralardyń jyldar boıy saqtalǵan «táttilerin» jınaýmen aınalysady. Omartashylardyń kezekti bal jınaý naýqanynda túsirilgen sýretteri Boredpanda saıtynda jarııalandy.
Brıtanııalyq fotosýretshi Endrıý Nıýı gýrýngılardyń baldy qalaı jınaıtynyn kórsetetin qyzyqty fotosýretter jasaǵan.
Jylyna eki ret bal arasyn alý úshin olar baspaldaqtar arqyly jartastyń shyńyna shyǵady. Ol jerde aralardyń balǵa tolǵan omartalary bar. Munyń bári qandaı da bir saqtyq sharalarynsyz, ata-babalarynyń baıyrǵy tásilderi arqyly júrgiziledi.
Joǵary bıiktikten qulap ketý qaýpinen basqa, «omartashylar» úshin basty qaýip - aralardyń ózi. Mundaǵy álemdegi eń iri aralar kezdesedi. Atap aıtsaq, olardyń uzyndyǵy shamamen 3 sm-ge deıin jetedi.
