Nepaldaǵy narazylyqtar kezinde mert bolǵandar sany 72 adamǵa jetti

ASTANA. KAZINFORM – Nepal úkimeti naryzylyqtar kezinde 72 adam mert bolǵanyn resmı túrde rastady, dep habarlaıdy Armenpress Nepal News-ke silteme jasap.

Armenpress-tiń habarlaýynsha, bul aqparatty úkimet múshesi Eknaraıan Arıal eldiń jańa premeriniń ulyqtaý rásiminde rastaǵan.

Onyń sózinshe, jappaı tártipsizdikter saldarynan zardap shekken 191 adam el boıynsha túrli aýrýhanalar men medıtsınalyq mekemelerde em alyp jatyr.

Ol sonymen qatar adamdardyń 8 qyrkúıek kúni bolǵan narazylyqtar kezinde jáne 9 qyrkúıektegi órt saldarynan qurban bolǵanyn atap ótti.

Osyǵan deıin Nepaldaǵy qaqtyǵystan qaza tapqandar sany 50-den asqanyn jáne Sýshıla Karkı Nepaldyń alǵashqy áıel premer-mınıstri bolǵanyn jazdyq.