Nepaldaǵy qaqtyǵystan qaza tapqandar sany 50-den asty

ASTANA. KAZINFORM – Nepalda jappaı tártipsizdikter saldarynan 50-den astam adam qaza tapty. Bul týraly TASS habarlady. 

Buǵan deıin qaqtyǵystardan 34 adamnyń qaza tapqany aıtylǵan edi. Quqyq qorǵaý organdarynyń jańartylǵan derekterine sáıkes, 51 adam qaza tapqan. Sonymen qatar 1,3 myńnan astam adam jaraqat aldy.

Apta basynda Katmandý men Nepaldyń basqa da qalalarynda áleýmettik jelilerge tyıym salý men sybaılas jemqorlyqqa qarsy narazylyqtan keıin qaqtyǵys boldy.

Onyń saldarynan eldiń premer-mınıstri Sharma Olı otstavkaǵa ketti. Narazylyq aktsııalarynyń negizgi qatysýshylary stýdentter men Gen-Z jastar qozǵalysynyń belsendileri boldy. Olar memlekettik mekemelerdiń ǵımarattaryna, sonyń ishinde parlamentke, Joǵarǵy sotqa, prokýratýraǵa ot qoıyp, saıasatkerler men sheneýnikterdiń úılerine shabýyl jasaǵan. Elde komendanttyq saǵat engizildi.

9 qyrkúıekte narazylyqtar aıasynda bılik áleýmettik jelilerge qoıylǵan tyıymdy alyp tastady. 10 qyrkúıekte el armııasy Gen-Z qozǵalysy men ózge de saıası kúshterdiń ókilderimen ýaqytsha úkimet qurý jóninde kelissózder bastady. 

Aıta ketelik Nepaldaǵy tártipsizdikter kezinde túrmeden 15 myń adam qashyp ketken.