Nepalda joǵalyp ketken Ońtústik Koreıa azamattaryn tikushaqpen jáne dronmen izdep jatyr
ASTANA. KAZINFORM – Nepaldaǵy sý tasqynynan keıin joǵalyp ketken toǵyz Ońtústik Koreıa azamatyn izdeý-qutqarý operatsııasy ázirge eshqandaı nátıje bermedi, dep habarlaıdy Yonhup agenttigi.
Mamandar tikushaqtar men drondardy paıdalanyp, aýmaqty zerttep, sondaı-aq jerde izdeý jumystaryn júrgizip jatyr.
Ońtústik Koreıanyń jedel áreket etý toby Rasýva aýdanynda jerdegi operatsııany bastady. Oǵan Syrtqy ister mınıstrliginiń, polıtsııanyń jáne órt sóndirý qyzmetiniń ókilderi jiberildi.
Joǵalǵan adamdar aımaqta sý tasqyny men kóshkin bolǵan kezde sý elektr stantsııasynyń qurylys alańynda bolǵan. Olardyń arasynda Doosan Energy kompanııasynyń alty qyzmetkeri jáne Korea South-East Power kompanııasynyń úsh qyzmetkeri bar.
Ońtústik Koreıa tikushaǵynyń biri Nepal bıliginen ushýǵa ruqsat alyp, adamdar joǵalyp ketti dep esepteletin aýmaqty zerttedi.
Jerdegi izdeý jumystarynyń júrgizilýine aýa raıynyń qolaısyzdyǵy men sheteldik tikushaqtardyń ushýyna shekteý qoıylýy sebep bolǵan. Ońtústik Koreıa ruqsat alǵannan keıin drondardy paıdalanýdy josparlap otyr.
Ońtústik Koreıa sheneýnikteri Nepal bıligimen baılanysta jáne jergilikti áskerıler jáne polıtsııanyń kómegine úmit artyp otyr. Sarapshylar joǵalǵandardyń yqtımal qozǵalysyn anyqtaý úshin aman qalǵandarmen suhbat júrgizip jatyr.
Buǵan deıin nepaldyq qutqarýshylar taǵy 10 ońtústik koreıalyq azamatqa apat aımaǵynan qashýǵa kómektesken bolatyn.
Nepalda áli de kóshkin qaýpi bar ekenin jazǵan edik.
