Nepalda jer silkinisinen keıin mektepter ashylýda
ASTANA. QazAqparat - Nepalda sáýir aıynda magnıtýdasy 7,8 bolǵan jer silkinisiniń saldarynan buzylǵan myńdaǵan mektep qaıta ashylýda.
Jalpy alǵanda Katmandý jáne onyń mańynda bul tabıǵı apat saldarynan 25 myńnan astam synyp bólmesi qırady.
Kóptegen synyptar qolda bar materıaldar - bambýk pen qap tigetin matanyń kómegimen qalpyna keltirilgen.
Bul rette Nepaldyń bılik kózderi turǵyndarǵa el jáne onyń mektepteriniń qaıtadan qalypty jumys istep otyrǵanyn túsindirý qajet ekenin málimdedi.
Jalpy alǵanda Nepaldaǵy jer silkinisi saldarynan 8 myńnan astam adam qaza taýyp, 100 myńǵa jýyq adam panasyz qaldy.
